“22 illik iqtidar xalqa qarşı oyunundan əl çəkmək istəmir”. Cebhe.info xəbər verir ki, bu sözləri siyasi ekspert Ehtiram Mehdiyev deyib. Onun sözlərinə görə, artıq ölkədə xaos, böhran baş alıb gedir: “İnsanların sosial vəziyyətini qənaətbəxş hesab etmək olmaz. Bütün sektorlarda böhran yaranıb. Hesab edirəm ki, bu gedişlə Azərbaycan Yunanıstanla eyni vəziyyətə düşə bilər. Ölkə əhalisinin 85%-i bank kreditlerindən asılıdır. Son devalvasiya nəticəsində isə bu böhran daha da sürətlənməyə başlayıb”. Ekspert qeyd edib ki, neft gəlirlərini xalqın güzaranına deyil, səmərəsiz layihələrə, faydasız məsələlərə xərcləyən hakimiyyət indi büdcədə qalan qəpiklərə göz dikib. Hər dəfə Nazirlər Kabinetinin iclası keçiriləndə xalqa ünvanlanan qəpik-quruş müzakirə obyektinə çevrilir: “Amma “Yol əhvalatı” filmindəki epizod kimi Nazirlər Kabineti və ayrı-ayrı nazirliklər yığışıb xilas yolu axtarsaydılar, bəlkə də vəziyyətdən çıxmaq ümidi yaranardı. İşsizlik, evsizlik, banklara olan borclar insanları intihar həddinə çatdırıb”. Ekspert çıxış yolunu yalnız hakimiyyətin ciddi islahatlara getməsində, əgər bu olmazsa, dəyişməsində görüb. – See more at: http://www.cebhe.info/oxu/667/#sthash.iZjApiJc.dpuf